مشهد 1
خارجى - ليلى
مكان فوق هضبة المقطم
معروف يقف و خلفه 3 رجال .. يتقدم ياسين بسيارته ثم يقف ويهبط منها و معه امينة .. يقترب كليهما من معروف الذى يبتسم عندما يرى أمينة
خارجى - ليلى
مكان فوق هضبة المقطم
معروف يقف و خلفه 3 رجال .. يتقدم ياسين بسيارته ثم يقف ويهبط منها و معه امينة .. يقترب كليهما من معروف الذى يبتسم عندما يرى أمينة
معروف
ايه ده .. مرات الباشا بنفسها جاية
ياسين
معروف .. كلامك معايا انا دلوقتى , فين هالة ؟
معروف
فين الفلوس يا باشا ؟
ياسين
معروف انا مش هدفع مليم واحد و هاخد هالة معايا
يضحك معروف
معروف
يبقى انت مش باقى عليها يا ياسين بيه , تدينى الفلوس اديك هالة .. غير كده انسى
ياسين
وانا معيش المبلغ اللى انت عايزه , ولا أهلها معاهم المبلغ
معروف
خلاص يبقى تحصل احمد ابو العلا
امينة
انت هتعمل ايه بالفلوس .. هتعوضلك رضا اخوك اللى مات ؟
معروف
هتعوضلى حرقة دمى اللى اتحرقتها عليه بسبب جوزك و منصور المليجى
يغضب ياسين و يضرب الارض بقدمه
ياسين
انا حذرتك لو قربت من هالة انا مش هسيبك .. وانت عارف انى اعرف اجيبك كويس
معروف
بتهددنى يا باشا .. خلى بالك روحك لسة فى ايدى
ياسين
هو انت فاهم انك لما تاخد ال10 مليون , انا او منصور هنسيبك
معروف
اخد الفلوس وبعد كده نشوف يا باشا
ياسين
معروف انا شغلتك عندى وساعدتك و دلوقتى جاى تعض الايد اللى اتمدتلك
معروف
انا مبعضش ايد حد يا باشا .. انا مبنكرش الجميل .. بس ده حق اخويا
امينة
حق اخوك خدته لما قتلت جوزى .. عايز ايه تانى ولا انت فاكرها لعبة واستحليتها
معروف
يا هانم اللى مات ده عيل صغير .. اللى موتته ده كان مجرد بداية الانتقام .. الصغير يموت قدامه الصغير
ينقض ياسين على معروف ويحاول ان يضربه .. لكن ال3 رجال يتدخلوا و يبعدوا ياسين عن معروف
ياسين
اقسم بالله لو عملتها ليكون اخر يوم فى عمرك .. و هالة هترجع معايا
يرن موبايل ياسين
ألفى ( على الهاتف )
خلاص يا ياسين هالة بقت معانا
ياسين ( على الهاتف )
انا هتفاوض معاه مش هندفع الفلوس
ألفى ( على الهاتف )
انت بتقول ايه يا ياسين
ياسين ( على الهاتف )
يعنى انت مصر .. طيب .. سلام
ألفى ( على الهاتف )
الو .. ياسين
يغلق ياسين الهاتف .. يصمت ياسين لبرهة
ياسين
حظك حلو .. منصور المليجى اتصرف فى المبلغ
معروف
كده يبقى حلو الكلام .. بعد بكرة هنا فى نفس المكان الساعه 1 بليل
ياسين
بس هالة ترجع معايا
معروف
ما احنا متفقين يا باشا
ياسين
ماشى يا معروف .. خليك فاكر اللى بتعمله بس
يتجه ياسين نحو السيارة وتتبعه امينة .. ويغادر معروف المكان مع رجاله
امينة
هنسيب هالة يومين كمان ؟
ياسين
متقلقيش كل حاجة هتبقى تمام
امينة
انت معندكش غير الكلمة دى .. ليه انت اللى علطول بتفكر ومبتقولناش اى حاجة وعاملنا لعبة
ياسين ( مقاطعا )
امينة مش وقته الكلام ده .. خشى انتى العربية عقبال ما اعمل مكالمة
يفتح ياسين الباب لأمينة .. تنظر امينة له للحظات .. ثم تدخل .. يغلق الباب .. يبتعد ياسين عن السيارة قليلا .. يتصل برقم
ياسين ( على الهاتف )
ايوة يا ألفى .. معلش كان لازم اغير فى الكلام .. المهم اسمعنى .. خد هالة على بيتك مترجعهاش بيتها .......
اسمع كلامى اللى انا بقولهولك .....
طب هات فريد .....
ايوة يا فريد .. اسمعنى .. لازم نعمل كده عشان معروف ناوى ينتقم من بنت اخوك .....
تمام
يغلق الهاتف ثم يتصل برقم اخر
ياسين ( على الهاتف )
استاذ محمود محامى منصور المليجى ؟ ....
انا ياسين ....
عايزك توصل رسالة لمنصور , معروف هو اللى خاطف هالة , انا ساومته , ناقص بس يبعت حد من حبايبه ..
بس قوله يبعت حد عدل المرة دى , بدل اللى كان باعتهولى ... الهضبة الوسطى فى المقطم بعد بكرة الساعه 1 بليل .. وهو هيفهم
يغلق الهاتف .. ينظر الى السماء ويزفر بقوة
ليست هناك تعليقات:
إرسال تعليق